遇見您

营业中

休息中

同老细拍拖，行下行下～响土瓜湾揾到一间几特别嘅fusion cafe～睇佢楼面感觉装修几雅致高档，估唔到睇埋个menu仲有惊喜！佢算系咩餐呢？有西式，但系又有啲啲中式～佢个招牌火山骨，真系不能错过！！佢可以整到肉质好软熟～好冧～但系又一啲都唔会烂晒～而且唔会好咸，非常之香！！舖头主打黑松露，所以酥皮忌廉蘑菇汤加咗黑松露同黑松露油，一笃破酥皮𠮶一刻，极香！！当然唔少得黑松露炒饭，叫咗黑松露鸡肉炒饭（其实可以算系亲子炒饭，因为仲有鸡蛋😅🤭）最重要系佢用嘅鸡肉，其实系香草鸡扒，又多咗一番风味！话明系cafe，当然有好多饮品选择～老细叫咗冻朱古力，照顾女士就梗系热饮啦～洛神花玫瑰茶，养颜又暖胃，仲可以消脂添！！呢间店真系无限惊喜，期待下一次再同朋友嚟！