鰻喜 (已結業)

通常喺香港食几十蚊份嘅鳗鱼饭，都只系食到下价急冻大陆鳗鱼，又削又韧。所以我本身对哩间喺日式超市嘅外卖店本身都无乜寄望，点知试过就知原来我错了。由于只做外卖，所以攞到返屋企热度一定会下降少少，好彩我住附近，十分钟左右就食到。鳗鱼靓唔靓，其实用筷子一夹落去已略知一二，果然入口松软，带鱼油香同炭烧香味，食咗第一啖，我就开始后悔迟咗一年先发现哩个新大陆。好好食呀。皮有脂肪，肉松软，油香肉香汁香炭烧香，连个饭都好食，最后一粒都食埋。我通常食嘢唔会写食评，但喺无得飞日本嘅日子食得到日本鳗鱼饭嘅水准真系又惊喜又感动，点都要写一次㗎啦。希望哩间舖长做长有啦！