聯發茶餐廳

营业中

休息中

喺九龙城行过见到呢间茶餐厅夜晚都竟然满座，而且价钱又相宜，所以决定嚟呢度解决晚餐～烧味入边最钟意食嘅就系叉烧，所以嗌尽晒呢度有嘅叉烧菜式比较一下😆炭火叉烧饭（$88）贵为呢到最出名嘅炭火叉烧饭，餐牌背景有大大个皇帝坐喺度，就可想而知佢同其他叉烧系唔同。呢款叉烧特别厚切，而且半肥瘦，再用炭火烧过。所以除咗㶶边之外，仲会有微微嘅炭火香。再配上特级厚嘅炒蛋，推荐呢款。叉烧滑蛋饭（$78）滑嫩嘅蛋配上鲜嫩多汁嘅叉烧，视觉上已经够晒诱人。呢款嘅炒蛋系配上咗洋葱同埋香葱，再加上叉烧传统嘅调味，食嘅每一啖都带来甜蜜的滋味。常餐（$68）嚟到茶餐厅点都要点个常餐食下，最经典嘅茶餐叉烧比较薄，但系通粉汤底好香浓。再配上餐包同埋流心嘅煎蛋，又多款式又可以DIY。