影片
更多
2018-04-04
142 浏览
前排放工为咗去尖沙咀买野，所以早早就谂定有乜好野食。问咗位比较爱吃嘅老友，佢就介绍我去试下呢间果酱西餐厅。当日平日大概7点左右到仲有位，所以好快就入座，睇下餐牌除咗晚餐，仲有全日早餐或者小食可以叫，但全日早餐原来每日限定，所以想食就请早喇。最后我地二人分别叫咗一个晚餐Set 6、散叫咗碟温泉蛋卡邦尼意粉、同一份英式松饼，加两杯饮品。最先著陆嘅头盆系田园沙律同餐汤，非常钟意捞沙律嘅热情果油醋汁，既甜带酸令人十分开胃，真系多多沙律都食得哂！而今日餐汤系蕃茄野菜汤，个人觉得味道接近我喜好，偏罗宋汤嘅调味但汤较稀身。接住两杯饮品分别到，个人唔太喜好饮奶昔，所以柯打咗芒果果酱沙冰，感觉份量大啲抵饮，味道系芒果乳酸味道，命中咗我唔钟意太甜又钟意饮品带酸嘅喜好，夏日解渴之选。其后我柯打嘅英式松饼到了，另拣咗士多啤利果酱。松饼尺寸同幼稚园小朋友拳头约干大，包身坚挺，口感同质地似光酥饼 (个人意见)，点士多啤利果酱后甜甜地食一流。其间温泉蛋卡邦尼意粉都煮好，到餐枱嘅时候真系热辣辣出哂烟，两人二话不说就督穿蛋黄，均匀地将蛋黄酱汁布满所有意粉丝上再开动，温泉蛋完美咁令整个意粉升华咗去另一个层次。但烟肉同蘑菇
当日平日大概7点左右到仲有位，所以好快就入座，睇下餐牌除咗晚餐，仲有全日早餐或者小食可以叫，但全日早餐原来每日限定，所以想食就请早喇。
最后我地二人分别叫咗一个晚餐Set 6、散叫咗碟温泉蛋卡邦尼意粉、同一份英式松饼，加两杯饮品。
最先著陆嘅头盆系田园沙律同餐汤，非常钟意捞沙律嘅热情果油醋汁，既甜带酸令人十分开胃，真系多多沙律都食得哂！而今日餐汤系蕃茄野菜汤，个人觉得味道接近我喜好，偏罗宋汤嘅调味但汤较稀身。
接住两杯饮品分别到，个人唔太喜好饮奶昔，所以柯打咗芒果果酱沙冰，感觉份量大啲抵饮，味道系芒果乳酸味道，命中咗我唔钟意太甜又钟意饮品带酸嘅喜好，夏日解渴之选。
其后我柯打嘅英式松饼到了，另拣咗士多啤利果酱。松饼尺寸同幼稚园小朋友拳头约干大，包身坚挺，口感同质地似光酥饼 (个人意见)，点士多啤利果酱后甜甜地食一流。
其间温泉蛋卡邦尼意粉都煮好，到餐枱嘅时候真系热辣辣出哂烟，两人二话不说就督穿蛋黄，均匀地将蛋黄酱汁布满所有意粉丝上再开动，温泉蛋完美咁令整个意粉升华咗去另一个层次。但烟肉同蘑菇嘅味道配合下，意粉又唔会变得单调而太溜。系我食过觉得最好食嘅卡邦尼意粉，极度推荐！
此时柯打嘅慢煮厚切安格斯西冷扒都到了，十分少有地配上玫瑰苹果汁，大家对此汁料赞不绝口，个人都好认同呢间餐厅对于调味都做得十分掌握，所以西冷扒点起玫瑰苹果汁，唔溜之余带微甜同果香，都相当不俗。
最后晚餐甜品作结，呢个牛奶乳酪布甸令我回想起细个会食嘅个种粟米片乳酪布甸，味道都唔错，而且非常满足。总结，热情果油醋汁沙律必食，温泉蛋卡邦尼意粉必试，试过后值得一去再去嘅餐厅。
张贴
