Yuyu Sushi

营业中

休息中

同朋友去开荔枝角，就系附近揾野食。餐厅用餐环境舒服，坐位阔落。职员话今日池鱼新鲜到港，可以做池鱼3食，包括池鱼刺身、池鱼寿司同埋姜葱池鱼蓉。于是我地就点黎试下，职员仲推介可以将鱼头同鱼骨拎埋去炸，变做4食。食完刺身职员就收走鱼骨同头，拎入去炸。感觉都几新鲜，炸得几香口，平时好少机会食炸鱼头。我地另外点左4客寿司，有炙碟鱼边寿司、炙三文鱼腩寿司、甜虾寿司同仙凤趾蚝寿司。最有惊喜系仙凤趾蚝寿司，好鲜甜。最后我地点咗2客热食，有金菇肥牛卷同樱虾炸豆腐。总括嚟讲，价钱亲民，CP值高。加上用餐环境舒服，适合一班年轻人食饭gathering