美滿會鵲局小菜 (已結業)

上个礼拜有人手痕，欲研究国粹，决定放工上雀会切磋切磋。有两个朋友未到，叫住野食等食完先至开枱啦。两个人叫左蒸肉饼，咕噜鸡球，芝士蟹肉西兰花。两碗白饭。正常啦。然后圣诞礼物早到了。Christmas came early~ 打牌姐，点会谂到d野食原来咁好食？！真系有惊喜。唔知系咪放工肚饿, d 小菜好好味。坦白讲，都唔系咩特别野。全部都系家常小菜。但系胜在实而不华，咕噜鸡香口，有镬气，食唔停，我想今晚豁出去。I want something just like this.。蒸章鱼肉饼猪肉口感刚柔并济，油而不腻，送饭一流。芝士西兰花正常，加蟹肉喺雀会算系咁。结果一个人食左两碗饭，小菜夹埋都唔系太贵，舒舒服服独立房食，夫复何求？店员服务态度都好好，我赞佢地d野食好食。佢话下次嚟有煲仔饭，羊腩煲！睇嚟减肥要等2019。