老川皇

营业中

休息中

湿湿立立嘅春天潮湿日子，要揾返啲辣嘢食去一去湿！ 见呢间川菜小店有午市午餐$45~$55, 睇落都好抵， 就入去试下。睇食评好多人都推介食酸菜鱼， 梗系要试下啦！ 原来呢度有得拣辣度，我食开谭仔小至中辣， 今日系呢度我就叫咗个中辣。 未食鱼先试汤， 酸得黎味道带有一分清甜。 鱼嘅分量好多， 鱼肉滑身， 鱼骨亦唔系好多， 冇乜细骨，仲有咸酸菜向底。 如果两个女仔唔太大食，基本上一个餐都好够饱， 因为个餐仲有粉、面或饭， 任你拣。 呢个好味，真系冇推介错！我哋另外仲叫咗个水煮田鸡， 呢度既水煮汁底比较杰身。田鸡肉好嫩滑，下面嘅大豆芽菜吸晒汁嘅味道， 辣到我 si si sir sir 呢度另一样重点推介就系串烧， 可惜只系晚市供应， 今日食唔到！ 下次我一定要嚟食串烧！