花園金閣 (已結業)

2个人, 22:30 行到旺角, 想打边炉, 本来想再去德兴...但感觉好似成日都系德兴, 你唔闷我都闷啦, 所以试下 花园...因为格完价, 佢最平, 加埋10%都只系HK$99 任饮任食, 惊喜系, 竟然有可口可乐任饮呀, 好少地方有得咁饮法 一坐低, 当然各要左一罐可口可乐先啦, 跟住黎火锅底, 美中不足系酱料, 唔加钱既话, 只有豉油同一千零一碟既混酱, 当时感觉系...真系要悭d使...菜式不少, 比德兴多, 更有美国肥牛~ 第一轮系咁点, 又驼鸟肉呀, 又丸呀, 又金菇呀, 又肥牛呀咁, 仲叫埋 西洋菜同埋油墨菜添d 𩠌黎左, 坦白讲, d 丸类真系麻麻地, 尤其系云吞,, 大家可以不叫...不过, 肥牛, 油墨菜同埋 西洋菜, 呢度都真系唔错, 肥牛叫几多碟, 真系黎足几多碟, 好多都系叫4碟, 只黎左2碟, 惊死蚀本咁, 我开头一叫叫左6碟, 真系黎足6碟, 抵赞, 油墨菜同西洋菜, 干净, 无菜虫, 够绿~叫左起码4-5轮野食, 最后黎个出前一丁, 混合各样食物精华既沙爹汤煮出前一丁, 简直一乐也