金泰美食 (已結業)

九龙城一向出名多泰国餐厅，好多都打著正宗既旗号，真系花多眼乱好难择。好彩今晚个饭局有位友系金泰常客，于是就发现左呢间正宗又特别泰国菜。五个人叫左六碟野食，碟碟都够哂大碟，泰国菜黎讲真系算好抵食！呢碟酸辣柚子大虾一上黎个阵都有D惊，会唔会好怪架？好在个酸辣汁够哂味，完全冇冲突既感觉，每只虾都好大只，抵食之选！之后就系个个都大赞既串烧，可能因为期望过大，除左鸡串够哂滑之外，其他都不过不失；值得一提既系，个沙嗲汁好明显系自家制，十分正宗，出面未食过既味道，为串烧加分不少。呢碟猪颈肉系朋友大力推荐，果然冇介绍错。同坊间一般既猪颈肉唔同，半肥瘦之余十分爽口，个酱汁听讲系正宗泰国南部酱汁，十分惹味。明炉烤鱼就食得多，明炉鱿鱼真系第一次，蒜头同辣椒既配搭一直都天衣无缝，鱿鱼又新鲜，赞！总结黎讲都系好满意既一餐~