Futago HK大阪燒肉 (已結業)

星期六同家姐、姐夫及一位朋友，4个人去食呢间嘢，家姐一早book定位，不过呢度只有2个时段可book位，6:00同8:00！只有2个钟头食嘢，其实有D赶，搞到我未饱就要走！我地都叫左好多款嘢，有唔同味嘅牛舌、牛肋肉，腩肉、鸡肉、牛肝、牛小肠等等，而家姐book位时有book埋一块超大嘅牛扒，呢块牛扒一定要book位时book埋先有得食，系超好味咖，上呢块牛扒时间舖嘅侍应会一齐大嗌，亦都会教埋客人一齐嗌，都几得意，之后侍应会讲解呢块扒D部位,同会烧埋比我地食，而有部份食物系侍应帮手烧，好似牛舌及腩肉，可能怕客人控制唔到烧嘅时间，所以烧埋比我地食！而埋单时仲会有一杯酸奶及一杯热茶，系帮助消化及减油嘅！杯酸奶好'杰'咖，我接受唔到个质感！总括嚟讲，除左牛肝及鸡肉外，其余D嘢都非常好味，4个人食左$1440，不过衰在唔饱同冇时间食嘢！所以我只影了部份相！