沙嗲王 (已搬遷) 新店位置

一向唔中意帮衬d集团式餐厅，可能有d返霸权主意吧.... 但半夜成十点几人在裕民坊，都唔知食咩好，老婆话中意食佢个猪扒饭，咪上去试一试。虽然沙嗲王开左好耐，但我系第一次帮衬，叫左客白咖哩香茅猪扒饭，日式蟹粉豆腐锅配印度薄饼加蒜蓉牛油鸡翼，首先个白汤好特别用个杯装住，够浓，但汤同沙律份量都偏细，猪扒饭个汁唔辣偏甜，猪扒炸得唔干身够肉汁，惊喜！日式蟹粉豆腐当然唔会好重蟹味，但味道好特别，豆腐好滑，个锅亦够热，蒜蓉牛油鸡翼蒜蓉味比牛油味重，三个食品都对啱我胃口，系咩无预期之下食到咁出色嘅食品，惊喜！唯一不满嘅系当晚帮衬时，有位男员工系到发脾气，影响左d食欲。