影片
更多
2023-06-27
69 浏览
细女喺土瓜湾工作，今日专程请我地两老外出食饭。由于爹哋喜欢食pizza，就拣咗 “薄饼怪兽”。店面唔系好大，但布置有特色，卡位亦别致。扫QR code落单，见有套餐就必拣。有三个人就再叫多一份虾兵蟹将，即叫即炸，好快上碟，非常吸睛。有炸虾尾、炸蚝、炸墨鱼块及炸洋葱圈 ，每样有三件。材料新鲜，炸得脆身，甘香松化，钟意炸物嘅朋友一定喜欢。 套餐pizza系点咗厚批嘅怪兽多宝，名副其实，有洋葱、辣肉肠、蘑菇、牛肉、青椒、火腿及猪肉等等，多不胜数。个批焗得透彻，特别在麻辣酱底有惊喜，食落慢慢渗出辣味，越食越精彩。跟住有海鲜焗阔条面，白汁味浓，够creamy，各式海鲜，例如：鲜虾、八爪鱼粒、蟹柳及菇片，铺满面条上，啖啖都惹味非常，阔条面柔韧有弹性，客人仲可以要求加大面条份量，值得赞同畀like👍🏻仲有炸鸡，一碟有两大件，有三种口味选择，有辣有唔辣，我哋拣咗招牌原味。外皮炸得香脆，冇油腻，里面鸡肉粉嫩多汁，咬落松软唔干身，真系唔错。餐饮有热嘅即磨咖啡，味道浓郁，加少少糖，香甜好饮。另一杯系健康少甜嘅冻柠茶 ，有好多柠檬，茶味突出。套餐只系二百零蚊算抵食 ，食物质素又Okay，下次应该可试到更多的好
店面唔系好大，但布置有特色，卡位亦别致。扫QR code落单，见有套餐就必拣。
有三个人就再叫多一份虾兵蟹将，即叫即炸，好快上碟，非常吸睛。有炸虾尾、炸蚝、炸墨鱼块及炸洋葱圈 ，每样有三件。材料新鲜，炸得脆身，甘香松化，钟意炸物嘅朋友一定喜欢。
套餐pizza系点咗厚批嘅怪兽多宝，名副其实，有洋葱、辣肉肠、蘑菇、牛肉、青椒、火腿及猪肉等等，多不胜数。个批焗得透彻，特别在麻辣酱底有惊喜，食落慢慢渗出辣味，越食越精彩。
跟住有海鲜焗阔条面，白汁味浓，够creamy，各式海鲜，例如：鲜虾、八爪鱼粒、蟹柳及菇片，铺满面条上，啖啖都惹味非常，阔条面柔韧有弹性，客人仲可以要求加大面条份量，值得赞同畀like👍🏻
仲有炸鸡，一碟有两大件，有三种口味选择，有辣有唔辣，我哋拣咗招牌原味。外皮炸得香脆，冇油腻，里面鸡肉粉嫩多汁，咬落松软唔干身，真系唔错。
餐饮有热嘅即磨咖啡，味道浓郁，加少少糖，香甜好饮。
另一杯系健康少甜嘅冻柠茶 ，有好多柠檬，茶味突出。
套餐只系二百零蚊算抵食 ，食物质素又Okay，下次应该可试到更多的好味道。
张贴
