翠榮雞煲火鍋

营业中

休息中

胡椒猪肚鸡煲大辣，又黎 ﹗原本谂住搭车入大尾笃食饭，但又想早啲返屋企休息，所以决定食个鸡煲就归家，点知都要食到十点半啰，失晒预算，困死我咩。order 半只鸡，想叫多几款野食，所以唔食一只喇。胡椒汤底香浓味美，真系饮一两碗都唔够喉呀 ﹗虽然特浓胡糊会有点颈渴。鸡肉肥瘦适中，胡椒味芳香，嫩滑非常，好味道 ﹗抢呀 ﹗咸菜同猪肚一样好好食。鳕鱼豆腐，星形好可爱，最好烚到完全发胀先食，里面会充满浓郁既汤汁，少少弹牙、少少嫩滑，味道又香，好味 ﹗鱼腐，除左鸡外，佢系最好食既火锅料喇 ﹗外层软棉棉，里面弹牙滑溜，又得意又好食 ﹗鸡子，虽然只系雪藏火鸡子，但外皮脆，内里软棉棉，充满热腾腾既肉汁，渗透胡椒味道，完全唔会腥，美味非常。枝竹同竹笙，索尽汤汁，简单好味。生菜，寂寞地掉系枱角，哈哈 ﹗无法啦，要放到最尾先食，我一食菜就饱架喇。新鲜爽甜，无咩特别，同样索晒胡椒汤，正呀。黑椒牛丸，有点硬实，麻麻地，不叫也罢。手切牛颈脊，新出品，以前只有惊吓本地肥牛供应，冻肉舖最平既美国肥牛。唔知老板系咪睇过之前既食评呢？依家多左几款牛拣，而且生料种类都多左㖞。立即试一试先，拖一拖粉红色，口感够嫩滑，仲有淡淡牛味，