元気寿司 (元州商場)

营业中

休息中

都有成几个月冇食过元气寿司，咁今晚谂唔到食咩所以就去食元气啦。长沙湾呢间元气星期六日真系要早啲嚟食，如果唔系七点钟就已经有人排队。点菜之前咁梗系要整个Wasabi豉油，一打开个Wasabi真系吓亲，好似好旧甘，Wasabi嘅颜色系深绿色，唔似一般嘅先鲜色甘，好似放咗好耐，搞到都唔系咁落咁多。另外寿司饭嘅份量比以往细咗有啲失望，刺身就一般，试咗个新嘅炙烧芝士菠菜三文鱼，卖相就一般，上面有芝士菠菜同加少少粟米，加粟米就觉得有啲奇怪，食落似普通嘅炙烧三文鱼，食唔出其他味道。朋友就觉得软壳蟹手卷不错，蟹炸得刚好，反而我觉得个炸虾卷就几好食，热辣辣嘅炸虾。