秋香螺螄粉

营业中

休息中

屋企人接受唔到螺狮粉，唔可以响屋企煮，咁唯有出街食啦！问题系香港嘅螺狮粉店少之又少。好彩仲有秋香。之前响葵广成日俾人话，咁𠮶边通风又确实唔好嘅。而家转咗地铺就乜问题都冇啦！ 店内装修简洁干净。几张4人枱，坐得好舒服。价钱同之前一样，仲多咗啲小食套餐。炸蛋螺狮粉（$46）食螺狮粉就一定要配炸蛋（我话嘅），炸蛋吸饱汤汁，等到最后食就真系滋味无穷。螺狮粉比米线Q弹，加埋啲配菜（豆角、酸笋、炸腐竹、花生），唔驶加𩠌都好丰富喇！豆笋套餐（$20）套餐包一罐饮品，一碟小食。豆笋就似凉拌腐皮，唔辣嘅，好清爽。终于食到心心念念嘅螺狮粉喇！好满足。下次再去帮衬。