影片
更多
2018-12-14
465 浏览
听讲呢间牛房餐厅嘅酥皮汤非常出名，所以笔者今日特登黎到佐敦一尝佢嘅晚餐究竟如何。呢度嘅晚餐推介每日都唔同，而笔者去嘅𠮶日系prmote紧牛仔骨，所以笔者就叫左佢牛仔骨嘅menu，然后餐汤拣左忌廉汤加酥皮。先讲一讲呢度嘅酥皮汤，酥皮焗得非常酥脆，上汤嘅时候侍应仲叫笔者一定一定要小心唔好掂到个碗边，因为佢嘅酥皮汤系即叫即整， 留意翻一般就咁叫餐汤系唔会有酥皮，但系笔者强烈建议大家一定会要加钱加埋酥皮。酥皮可以食得出有一股牛油味，就咁唔沾汤食嘅感觉有d似牛角酥，而当沾左汤之后，酥皮吸收晒d汁，入口非常顺绵，无论系干食定湿食都非常好食。另外，餐汤仲有跟埋餐包，餐包都有焗翻一次，所以都非常之松软，而边系有小小脆，而最好嘅地方系佢系帮你搽左牛油先去焗翻热，所以牛油嘅香气系非常浓郁。至于主菜嘅牛仔骨，虽然无酥皮汤咁惊艳，但系绝对唔差。2条牛仔骨份量唔少，而且肉质嫩，容易切开，咀嚼嘅时候一d都唔觉得难咬碎。加上佢嘅火候控制得岩岩好，牛仔骨嘅表面煎得微脆，但系d肉汁都仲系非常之饱满，唔会出现越食越口感嘅情况出现，可能呢个就系佢唔似平时餐厅会俾埋铁板嘅原因。而黑椒汁略为太咸，而且黑椒味唔算太重，适合唔食得
呢度嘅晚餐推介每日都唔同，而笔者去嘅𠮶日系prmote紧牛仔骨，所以笔者就叫左佢牛仔骨嘅menu，然后餐汤拣左忌廉汤加酥皮。
先讲一讲呢度嘅酥皮汤，酥皮焗得非常酥脆，上汤嘅时候侍应仲叫笔者一定一定要小心唔好掂到个碗边，因为佢嘅酥皮汤系即叫即整， 留意翻一般就咁叫餐汤系唔会有酥皮，但系笔者强烈建议大家一定会要加钱加埋酥皮。酥皮可以食得出有一股牛油味，就咁唔沾汤食嘅感觉有d似牛角酥，而当沾左汤之后，酥皮吸收晒d汁，入口非常顺绵，无论系干食定湿食都非常好食。
酥皮汤
34 浏览
2 赞好
0 留言
另外，餐汤仲有跟埋餐包，餐包都有焗翻一次，所以都非常之松软，而边系有小小脆，而最好嘅地方系佢系帮你搽左牛油先去焗翻热，所以牛油嘅香气系非常浓郁。
酥皮汤 + 餐包
18 浏览
1 赞好
0 留言
至于主菜嘅牛仔骨，虽然无酥皮汤咁惊艳，但系绝对唔差。2条牛仔骨份量唔少，而且肉质嫩，容易切开，咀嚼嘅时候一d都唔觉得难咬碎。加上佢嘅火候控制得岩岩好，牛仔骨嘅表面煎得微脆，但系d肉汁都仲系非常之饱满，唔会出现越食越口感嘅情况出现，可能呢个就系佢唔似平时餐厅会俾埋铁板嘅原因。而黑椒汁略为太咸，而且黑椒味唔算太重，适合唔食得辣嘅朋友，最值得留意嘅系，佢虽然好似平时茶餐厅嘅颓饭咁浓黏，但系并无平时嘅面粉同生粉味，所以唔会觉得济，值得加分。
牛仔骨
63 浏览
1 赞好
0 留言
至于佢嘅配菜只系一般，食落去嘅时候系冻嘅，应该系俾人摊凉左。不过番茄有煎过，令到佢嘅表面有小小焦糖化，微甜嘅味道可以balance翻黑椒汁嘅咸味，所以整体黎讲，呢个牛仔骨系值得尊登去食嘅！
张贴
