西餐大排檔 (已結業)

港女最爱食西餐 为庆祝朋友嘅生日 所以今日嚟到铜锣湾嘅呢间西餐大排档度庆祝生日7点去到唔太多人 座位好阔落坐得够舒 服不过装修就普通咗啲 有部分待应都系外国人 每人叫咗一个set dinner 加88蚊仲可以有海鲜拼盘包括生蚝带子 鲍鱼 蛏子同鲜虾 每样海鲜都够新鲜 好鲜甜 仲有唔同嘅酱汁做配搭提升味道 当中香草汁就最特别 重点系只要加多十八蚊就可以有一杯餐白酒 白酒酸酸甜甜够晒开胃前菜有个黑松露日本年糕 年糕用上黑松露忌廉汁去烹煮 个汁厚生好creamy 而且奶味好浓 加上淡淡嘅黑松露味好惹味 年糕够烟韧 索晒啲忌廉汁非常滋味 主菜就叫咗烧橡果级黑毛猪 黑毛猪扒大大块 不过较为薄身 配上烧汁 黑毛猪肉质油份较重 脂肪十足 但系肥而不腻 食多啲都唔怕漏 完全冇猪臊味 做得好好 配上紫薯蓉非常creamy 朋友叫咗炭烧美国鸡扒配鲍鱼 加黑松露忌廉汁 个汁同黑松露年糕一样同样creamy惹味 鸡扒够厚身 个皮煎到香脆肉质嫩滑多汁 鲍鱼新鲜爽口弹牙 同样跟餐有紫薯蓉