一家

营业中

休息中

餐厅好骨子、干净，连碗筷都靓靓。店员爽快有礼貌。餐牌多选择、有特色，食物价钱公道。 ✦ 香炸凤尾鱼即㓥即炸，食落香脆、甜甜哋少少辣，可以连骨当小食食，好开胃。 ✦ 小笼包皮薄馅靓，肉团鲜美，多汤。见隔篱枱两个人嗌咗四笼。 ✦ 酱炒花菜茶树菇椰菜花茶树菇各有口感，索晒啲汁之余，依然食得出清甜。 ✦ 一家葱油白切鸡满满嘅葱油，颜色鲜艳，上枱闻落已经好香，一啖食落去食口葱油香。鸡肉份量多、嫩滑、有鸡味，听店员讲系新鲜走地鸡。值得一提系完全唔腻，两个人清得晒。 ✦ 财气满满 (东坡肉拌面)This is the best. 卖相靓之余，东坡肉肥瘦分明、肥而不腻瘦而不柴，而且非常入味、食落甜甜哋。拌面沾晒东坡肉酱汁，好食。强烈推介。 ✦ 滋润养生茶 (季节限定)新鲜雪梨、无花果、蜜枣、玉竹等，养生润喉，好啱冬天饮。 bookmarked, 下次嚟筲箕湾做嘢再返嚟食其他菜式。