影片
更多
2013-06-21
2956 浏览
为庆祝父亲节，小肥特意设宴款待大肥爸爸，靓靓妈咪，中肥细契爷，靓靓细契妈，哥哥个fit fit契爷同长跑好手契伯伯；地点及菜式全部由嘴刁o既一家之主大肥爸爸话哂事 ！爸爸所选择o既「五陵会」，小肥听都未听过，而当晚o既坐上客大部份都系多年前黎过食西餐，从未品尝过会所之中菜。「五陵会」位于中环核心地段，地鐡巴士的士样样到，交通极为方便，步行不需五分钟更可直达兰桂芳。小肥除左肥，其实都有少少八，从伙计口中得知此会创办得好有意义：话说喺二十年代香港社交圈入面只有两个会，一个系只有中国人可以参与o既「华商会」，另外一个系只有外籍人士可以参与o既「香港会」，而「五陵会」就系第一个中国人同外国人都可以成为会员o既社交会所 。话明系会所，所以「五陵会」只招待会员，听闻最近期入会费为$30,000，可惜唔系经常有位招揽新会员。如果会员每月喺中菜厅签满$500，该月月费可免，否则月费为$1,000。 「五陵会」o既中菜厅唔大，除左间开左几间贵宾厅之外，散枱大概十张左右，所以经常满座，去食饭一定要预先订座。餐厅面积虽然有限，不过间隔尚算宽敞，我地坐近门口同厨房都觉得好松动。室内装修简单得黎光猛，而且
「五陵会」位于中环核心地段，地鐡巴士的士样样到，交通极为方便，步行不需五分钟更可直达兰桂芳。小肥除左肥，其实都有少少八，从伙计口中得知此会创办得好有意义：话说喺二十年代香港社交圈入面只有两个会，一个系只有中国人可以参与o既「华商会」，另外一个系只有外籍人士可以参与o既「香港会」，而「五陵会」就系第一个中国人同外国人都可以成为会员o既社交会所 。话明系会所，所以「五陵会」只招待会员，听闻最近期入会费为$30,000，可惜唔系经常有位招揽新会员。如果会员每月喺中菜厅签满$500，该月月费可免，否则月费为$1,000。
「五陵会」o既中菜厅唔大，除左间开左几间贵宾厅之外，散枱大概十张左右，所以经常满座，去食饭一定要预先订座。餐厅面积虽然有限，不过间隔尚算宽敞，我地坐近门口同厨房都觉得好松动。室内装修简单得黎光猛，而且优雅大方，地方整洁企理，非常舒适。唯一问题系男女洗手间都要行半层，环境分被扣半分之原因 。会所o既工作人员，不论职位，都同样友善落力，对客人o既要求亦非常细心体贴。除左经理落单时提出不同意见及专业介绍，服务生都会不时自动加茶换碟，令食客可以更加卫生地享用晚餐 。其中最感动就系当客人一动身准备斟酒时，经理都会自动走埋黎道歉及为各位客人加酒水。据爸爸所讲，「五陵会」逢红字休息，闲日餐厅免加一，不过父亲节特别安排加班，所以要加返一，大家都觉得合情合理。
肥肥家族每逢节日食饭都一定会以美酒伴佳肴（开瓶费为$60/枝），所以大肥爸爸必先安排几款香口小食作前菜：
送酒小食之百花煎酿豆角（$88）：例牌一客$88，共八件，「发发发」，意头真系好！豆角本身香脆，加上爽口弹牙o既百花虾胶，咬落层次分明，口感独特！
送酒小食之干葱美极煎排骨仔（$68）：排骨仔肉质非常松软，以干葱爆香，所以十分香口野味，认真美极 ！
消暑靓汤之冬瓜盅（$400）：冬瓜盅味道清新甜美，而且劲足料，分出黎每碗除左有够腍o既冬瓜，仲有不少鲜甜软腍o既蟹肉同鸡肉。
送酒小食之咸鱼茸煎藕饼（$68）：原来此道藕饼系「五陵会」o既招牌菜，爸爸仲话唔钟意都要试。小弟本身好怕咸鱼阵味，不过见系父亲节所以就顺下大肥意思食左件 。好意外地，入口完全食唔出咸鱼味，煎得好香好野味，藕饼入面粒粒莲藕肉亦非常爽脆，唔错 ！
父亲节主菜一之青瓜炒和牛粒（$118）：和牛系大肥最爱食品之一，父亲节又点可以缺少呢？「五陵会」个和牛粒松软香口唔油腻，咬落绝对唔会成口油，炒得外表干身，但入口有够肉汁，妙极 ！细契妈大赞伴碟o既青瓜好爽脆。
健康美食之上汤菜胆鸡（$320/只）：只鸡冇乜肥，食落好健康！最劲都系连鸡胸肉都可以咁幼嫩腍滑，真系难得！
父亲节主菜二之陈皮蒸鲜鲍（$1,050/七只）：母亲节食鱼翅，父亲节食鲍鱼，好彩两个节日前有个农历新年比细佬逗「利是」储定弹药，唔系真系… 每只鲜鲍都有掌心咁大，好厚身，份量足又够睇头，味道鲜甜爽脆，百几蚊只其实都唔算过份，只系小肥荷包肉痛左少少！
父亲节主菜三之吉列老虎班球（$447）：「五陵会」吉列班球分别有甜酸汁同粟米汁两款，所以班球同酱汁分开上。新鲜斑块炸得非常干身，可以做到个皮又薄又松又脆，而鱼肉又如丝一般幼嫩，同「喜万年」个天妇罗班球真系有得比 ！因价钱问题，小肥个人觉得「五陵会」𠮶个略胜一筹 。
香口美食之腿汁生煎琵琶豆腐（$98）：大肥爸爸系豆腐王，每餐饭冇豆腐不欢！细佬明白父亲节叫个简单o既琵琶豆腐其实都系想帮我悭荷包 ，感激感激！琵琶豆腐皮薄馅靓，香脆嫩滑，小肥又要引用大契爷讲过𠮶句，「好有山水feel 呀」 ！
香口美食之顺德铜盆煎鸡（$180/半只）：见好多人都叫，所以我地都叫一份黎试。谭经理介绍话鸡件可以无骨或有骨，肥肥家族就选择左走骨。鸡件煎得好香脆，咬落肉质又够软腍，因为无骨所以食得比较轻松，好啱劲懒o既小肥 。
完美单尾之菜粒肉碎煎米粉（$85）：食煎米粉多数都会以中虾作配搭，落单时爸爸问谭经理除左虾有乜好介绍，佢就推介个「菜粒肉碎煎米粉」。此道单尾以米粉做底，煎得好够香口干脆，虽然芡汁够，但个米粉绝对冇浸到腍哂或成一pat pat，整体香脆美味，正 ！
总结黎讲，「五陵会」中菜厅地点方便，座位舒适，全体服务生态度一样诚恳，要乜有乜，食物质素毫无瑕疵，价钱合理，在座各位宾客都极之满意，细契妈更重复大赞「五陵会」所有𩠌菜都同样「骨子」！真系好难得一餐饭食到单尾每道𩠌都可以碟碟清，见到大家食得咁高兴咁满意，小弟觉得餐饭真系好抵请 ！小肥真系非常感激爸爸为父亲节晚宴o既悉心安排，所以在此要再三致谢 ！
张贴
