Salamat Cafe (已結業)

同朋友去完体育馆黎到附近食晚餐，见呢个餐厅装修几雅致，就入左黎食饭，一人叫左个主食。虎虾 墨鱼仔bb带子墨汁意大利饭 两大只虎虾，肉质干左少少，但胜在虎虾新鲜有虾味，意大利饭既软腍程度刚刚好，而且非常多汁，大量既墨汁，饭中仲有墨鱼仔同bb带子，好有口感。法式纸包挪威鲜三文鱼配鲜鱼汁汤 新薯仔时蔬店员介绍到呢个纸包，系法国特别订番黎，可以包住食物去煮，食用既时候直接剪开佢就食得。这样既煮法令三文鱼更鲜嫩，仲可以有郁浓既鱼汁汤饮，非常鲜甜，三文鱼既肉汁一点都没有浪费到，鱼汁汤好出色，配埋质感滑溜既新薯仔同清甜时蔬，成个配搭好夹。