朱敏記大牌檔

营业中

休息中

又到咗夜麻麻揾嘢食嘅时候，突然谂起呢间餐厅就去试吓。晚上九点几入座，餐厅好多人，几乎坐满，咁啱唔使等位，门口见到五光十色嘅雷射灯，播住好大声好劲嘅音乐，好有disco feel，望入门口大部份都系上咗年纪嘅中年食客，有啲食客兴起喺度载歌载舞，真系第一次见识😆环境非常热闹非常之嘈，每个位置有唔同嘅布置蒜蓉蒸吊桶 - 个人觉得呢碟几好食，平时出边𠮶啲吊筒好细只，佢系好大只，蒜蓉和汁好味猪油渣炒椰菜苗 - 好大碟，成盘上，味道偏咸椒盐豆腐 - 正常份量和味道大柠乐 - 劲大杯，只系三十几蚊，系大型啤酒杯𠮶只size脆皮花生 - 冇椒盐味，系咸咸地𠮶只，唔食花生嘅我试咗一粒，呢碟系强迫你要的，坐低就要必须收费食物质素冇乜特别，最差就系落错单，第一次嚟张单嘅𩠌菜唔系我哋叫嘅，叫侍应更正，第二次再拎单嚟都系错嘅，到第三次先啱。之后又送错𩠌菜嚟我哋张枱，原来就系之前佢落错单嘅𩠌菜。另外，我哋食咗个零钟，椒盐豆腐都仲未嚟，上菜就真系有少少慢，同埋价钱偏贵。