What The Food Cafe (已結業)

今日带个女一齐去WTF 吃饭因为无指示牌我都兜左一阵先揾到间餐厅，一入去想坐靠落地玻璃个张梳化立即被店员阻止话系留位～我望望成间餐厅得我同细女两个人一台客都要留位?我是但坐埋一边等到餐牌送上一问得两款嘢提供鳗🐟蛋包饭同埋汉堡包，我叫左两个鳗🐟蛋包饭，饮品都系限制你点方便做个几样所以我就叫左杂果宾治同热朱古力至于想叫甜品特饮之类sorry 一律不提供。眼望望等嘢食就见男侍应送上一个餐包同一碗罗宋汤?我叫两份餐送我一包一汤系分住食?算啦唔送都费事争我叫细女食先我自己继续等，系尼个时候我就见到餐厅伙记系度摆台准备吃饭就系头先话留位的两张台！！??凸🤮凸 我心想真系WTF 罗 唔系啊嘛成间餐厅得我一台客我要让位给你们吃饭?我情不自禁在心入面叼左两句。食物送上来过得去啦但不值得专登入黎食一餐，同个细女食完嘢就买单要263港币。唔算平～尼个价无环境无服务仲要无的选食物同座位真系感觉好差。行出餐厅又闻到无关门的工厂大厦厕所散发的臭味～心入面又闹多两句，尼间餐厅真系唔忧做攞黎玩。我行出工厂大厦不用回头都将尼间餐厅列作有生之年不会再来的黑名单！！WTF真系无改错名。