影片
更多
2022-05-08
954 浏览
本身book咗7:30餐厅食饭咁就约咗个好耐冇见嘅朋友见面，谂住带佢去食好啲，睇做OpenRice 页面上其中一间推介餐厅话分量多抵食咁就book左来试吓。点知就中咗伏。一上到去劲多人等，原本以为咁多人等实冇死啦，点知原来呢间餐厅都几多问题。首先前台姐姐无啦啦话呢间餐厅冇酒供应而且悭限食饭时间得90分钟。我唔知佢煮嘢食使唔使用用酒啦，但佢个drink menu 基本唔使睇，冇理由唔记得续酒牌嫁。booking 果时又唔讲明，摆明专登㗎啦。咁冇办法，无奈下都只能接受，前台姐姐话帮我哋安排咗坐露天位置，咁大热天时梗系争取坐室内啦，最后都成功争取到。一坐低梗系手快快叫咗嘢食，叫咗生蚝猪手同牛扒。谂住得90分钟时间，梗系要快啲叫等佢快啲嚟。我同啲朋友都算叫有耐心等左30-40min都唔出声，到最后等左45min（8:15）忍唔住叫人。侍应姐姐同我地讲话，因为厨房𠮶个人唔识开生蚝🦪所以要我地等咁耐。本身我以为出咗啲咩事，但佢比呢个解释我真系得啖笑。开生蚝其实唔系咩特别技能，其实我真心想问佢，会唔会有第二个厨师识。咁侍应姐姐好心咁话不如上左热食先。咁食西餐不嬲都系头盘跟住主菜。你会唔会食咗甜品先食
本身book咗7:30餐厅食饭咁就约咗个好耐冇见嘅朋友见面，谂住带佢去食好啲，睇做OpenRice 页面上其中一间推介餐厅话分量多抵食咁就book左来试吓。点知就中咗伏。
一上到去劲多人等，原本以为咁多人等实冇死啦，点知原来呢间餐厅都几多问题。首先前台姐姐无啦啦话呢间餐厅冇酒供应而且悭限食饭时间得90分钟。我唔知佢煮嘢食使唔使用用酒啦，但佢个drink menu 基本唔使睇，冇理由唔记得续酒牌嫁。booking 果时又唔讲明，摆明专登㗎啦。咁冇办法，无奈下都只能接受，前台姐姐话帮我哋安排咗坐露天位置，咁大热天时梗系争取坐室内啦，最后都成功争取到。
一坐低梗系手快快叫咗嘢食，叫咗生蚝猪手同牛扒。谂住得90分钟时间，梗系要快啲叫等佢快啲嚟。我同啲朋友都算叫有耐心等左30-40min都唔出声，到最后等左45min（8:15）忍唔住叫人。侍应姐姐同我地讲话，因为厨房𠮶个人唔识开生蚝🦪所以要我地等咁耐。本身我以为出咗啲咩事，但佢比呢个解释我真系得啖笑。开生蚝其实唔系咩特别技能，其实我真心想问佢，会唔会有第二个厨师识。咁侍应姐姐好心咁话不如上左热食先。咁食西餐不嬲都系头盘跟住主菜。你会唔会食咗甜品先食主菜。我朋友已经等咗九个字咁佢顶唔顺觉得肚饿，就叫咗个小食炸鸡先。
点知原来小食炸鸡都可以出晒事🍗，佢个炸鸡又order 起计5min就上左我地枱。820pm终于有一样食物上到枱。咁来到我食到一啖仔个鸡皮，心谂有啲热嘢食下。我朋友食左一大啖开始皱眉头，佢同我讲话入边啲肉系冻嘅。我即刻放低我手上面嘅鸡，露出一个尴尬嘅神情🥲。我朋友开始有啲嬲，佢即刻叫咗个男侍应过嚟，咁侍应哥哥当然同我哋讲话换过/取消，我哋当然讲取消。谂都谂到佢哋啲鸡未解冻就炸，如果唔系唔会冻，起码最里面啲鸡肉会系热，用返啲唔解冻嘅鸡再炸多次咪一样。
8:25pm由入餐厅起计等咗一个钟到，我同朋友叫做六只生蚝终于比到我地🥲，生蚝本身质素冇乜问题，但问题系非常之多蚝壳碎。我就觉得你话唔识开蚝用咗好多时间唔紧要，但系基本冲洗都应该要做下嫁。我由张相上边肉眼见到都有蚝壳碎，照计如果洗过应该唔会咁样。咁佢照上我无办法，唔通叫佢返去再洗一次咩。
8:37我终于其余两样热食都到左。咁猪手都唔难食但都唔系特别出色不过不失。牛扒本身order咗5成熟，咁大家都知牛扒真系好难控制㗎，朋友切开一睇7成咁。牛扒都正正常常系个厨师控制唔到5成都算可以原谅。
一间餐厅最重要系食物服务其次先系装修。前面两样最重要如果唔重视其实都唔会做得耐。我隐约记得我食咗第一啖猪手，有个收银姐姐已经比张单我 ，我同佢讲啲嘢食啱啱先到，佢话想我埋咗张单先。咁我知佢九点要埋数如果唔系会迟收工，咁我都真系冇嘢讲。最后，虽然佢冇同我讲话我话左90min要我走，但都破坏咗我同好耐冇见朋友食饭嘅气氛，希望呢个只系我嘅个别例子，想反映俾餐厅知。
张贴
