日嚐 (已結業)

周末1830前到，要等位，前面有两枱walk-in客，等咗大概20分钟。试咗慢煮封门柳乌冬食物上枱唔热，只可以算系暖，味道普通，少少失望，除咗牛肉，其他份量都少。柚子紫薯青苹果沙律味道唔系好夹。朋友加咗汽水，佢话唔冻😂然后到环境。张枱好笠，唔知系潮湿定系咩，黏住左我包纸巾😂。店面好细，坐近门口走廊位。入面嘅客人要走嘅时候，要起身让位，然后再比店员入去执枱，再比新嘅客人入去，成个过程我企咗喺度差唔多5分钟。道门开住，街上嘅风吹晒入嚟，枱上面嘅食物喺度铺尘。虽然店员态度ok, 有讲唔好意思，但体验真系极差。然后间铺真系好热，完全感觉唔到有冷气。空气又湿又热，有暖风🫠🫠🫠终于明白点解间铺咁细，但等位等得唔耐。因为真系太热又唔好坐，如果唔系枱上面仲有食物，我唔会想继续坐喺度😂😂公道啲讲，食物卖相系唔错，店内装修日本木系，适合打卡。但我就真系不了，觉得同一价钱，可以食啲质素更好，环境更舒适同有「真」冷气嘅餐厅👋🏻