Cube O - Journey with Seajellies

营业中

休息中

情人节谂住去庆祝下 入到去安排座位，完全同介绍不一样，唔系有水母窗系旁边，咁都算。一个set $1888加一 野食极差，所有野食都唔热既，全部室温，连杯酒都系室温😅 完全唔值依个价。 野食上得慢，食完一样野等好耐先上第二样野。首先头盘芝士劲难食，个汤唔热，个甜品柠檬挞劲酸，酸到直程食唔落。 得个牛扒系比较好少少，不过得半个手掌心咁大份，食完都唔觉自己有食咗啲咩。位唔靓同野食差都算，黎得都系想打卡，影下相，因为无安排到靓位，就谂住等靓位既情侣走左先行埋去想影张相，点知水母窗熄灯，一张相都影唔到，问啲staff可唔可以开反，话系system set好左，其实如果系咁你哋餐厅系咪应该一早话比啲客人听，几点系会熄灯，等啲客有心理准备，唔好上到黎，野食又失望，环境又失望呢？最后埋单二千几蚊，一样应有嘅嘢都冇得到，从来都唔打差评，但今次都不得不打，希望大家唔好再中伏。