名人私房菜 (已搬遷) 新店位置

女友既朋友介绍呢间隐秘私房菜，印象中都系第一次以咁既格局同形式响香港食私房菜。感觉有少少似返大陆包房食饭，自成一角，嘈啲都唔怕，仲有电视睇，位置都阔落，背狼手袋等等都有充裕位放，甚至shopping 完有三五七袋野都够位摆。好快已经上左个菜干猪肺汤，仲好细心汤渣另上，好补呀，女友话润肺，以形补形，哈哈。凉拌手撕鸡，开胃菜一流，摆盆有心机，色彩缤纷。蒸海班，蒸得刚好，唔会老，难得友人爱吃鱼头，成条ko晒。金银蒜粉丝蒸扇贝，大大只，好抵锡。姜葱炒蟹，一上枱哗一声，蟹钳大大只，非常吸引，味道亦好惹味，超正。黄金虾，摆盘既花好有心思，虾食得出虾肉弹牙，最怕食到啲虾肉霉霉淋淋咁，呢个绝对掂当。鱼汤什菌，食到尾声有个菜落一落肚，实在太好了。甜品系雪梨雪耳糖水，滋润一下，满足。