影片
更多
2023-11-15
1523 浏览
金凤大餐厅 Golden Phoenix Restaurant 📍尖沙咀山林道9A号地舖金凤大餐厅我自己帮衬过几次，不过从来都只系午市同茶市，晚市嚟真系第一次。近排咪好兴玩怀旧嘅，今晚我睇完牙，心血来潮都想同朋友玩下怀旧，体会下老派约会之必要。呢种老牌港式扒房一向都受唔少上咗年几嘅食客支持，但估唔到呢晚都不乏年轻人嘅身影，无论系同情侣嚟撑台脚，定系同朋友嚟嘅都有，都吸引到唔到年龄层嘅人㖞！餐厅有梳化櫈嘅卡位，亦有唔少长台，店员着上怀旧嘅格真恤衫，为食客们送上热辣辣嘅扒餐，彷佛时光倒流，去返几十年前咁。虽然多数人嚟到都会点各式各样嘅扒餐，当中又以牛扒同猪扒最受欢迎，但朋友知道我唔想食太多肉，又知我通常会想拣啲与人不同嘅餐点，所以佢贴心地拣咗羊肉同海鲜，等我可以试到有特色嘅铁板餐。 💰$148铁板大虾配薯菜 🦐Sizzling Prawns朋友拣俾我嘅呢个铁板餐有三只大虾，净系睇个头都知系只大头虾嚟，哈哈。餐厅已将虾壳分半，所以食起上嚟比较方便。大虾嘅虾肉好结实，食落好比龙虾肉嘅质感，配以蒜蓉汁食，滋味非常。垫底嘅系我爱食嘅脆肉瓜，薯条则系由细食到大嘅波浪粗薯条，热辣辣嘅铁板带有好好嘅ke
📍尖沙咀山林道9A号地舖
金凤大餐厅我自己帮衬过几次，不过从来都只系午市同茶市，晚市嚟真系第一次。近排咪好兴玩怀旧嘅，今晚我睇完牙，心血来潮都想同朋友玩下怀旧，体会下老派约会之必要。
呢种老牌港式扒房一向都受唔少上咗年几嘅食客支持，但估唔到呢晚都不乏年轻人嘅身影，无论系同情侣嚟撑台脚，定系同朋友嚟嘅都有，都吸引到唔到年龄层嘅人㖞！
餐厅有梳化櫈嘅卡位，亦有唔少长台，店员着上怀旧嘅格真恤衫，为食客们送上热辣辣嘅扒餐，彷佛时光倒流，去返几十年前咁。虽然多数人嚟到都会点各式各样嘅扒餐，当中又以牛扒同猪扒最受欢迎，但朋友知道我唔想食太多肉，又知我通常会想拣啲与人不同嘅餐点，所以佢贴心地拣咗羊肉同海鲜，等我可以试到有特色嘅铁板餐。
[价钱 Price]
💰$148
铁板大虾配薯菜 🦐
Sizzling Prawns
朋友拣俾我嘅呢个铁板餐有三只大虾，净系睇个头都知系只大头虾嚟，哈哈。餐厅已将虾壳分半，所以食起上嚟比较方便。大虾嘅虾肉好结实，食落好比龙虾肉嘅质感，配以蒜蓉汁食，滋味非常。垫底嘅系我爱食嘅脆肉瓜，薯条则系由细食到大嘅波浪粗薯条，热辣辣嘅铁板带有好好嘅keep warm作用，即使边倾边食都唔易变凉。
[价钱 Price]
💰$170
香烧羊扒餐 🐑
Lamb Chop
至于朋友叫嘅呢个香烧羊扒有三件，店员推介要叫7成熟，我哋拣配黑椒汁，非常惹味。烧过嘅羊肉外脆内嫩，肉质鲜嫩多汁， 无咩膻味。朋有豪迈地拎住枝骨，大大啖咁食肥美嘅羊肉，表情好满足。薯菜同我嘅一样，不过配以较浓味嘅黑椒汁，味道更佳。
[价钱 Price]
💰$0 (跟餐热饮免费)
朱古力 🍫
经典港式扒房热饮，浓淡度适中，有香醇嘅朱古力味。
[价钱 Price]
💰$0 (跟餐热饮免费)
列顿红茶 ☕️
朋友拣咗Lipton红茶，食完扒饮返杯，有消济解腻嘅作用。
张贴
