影片
更多
2015-05-28
791 浏览
我未去过土耳其，又未食过土耳其菜，我个超钟意土耳其嘅朋友话想食土耳其菜，我完全唔知会有乜食。佢问我有乜肉类想食，我话钟意鸡同羊，佢话会叫个厨煮，私房菜有得拣食乜又几好。对土耳其菜完全零认识嘅我，抱住试新嘢嘅心态，同朋友渡过左一个土耳其之夜。餐厅喺旺角商厦楼上，门口贴左土耳其厨师同明星嘅相。单位细细，但布置好有心思，劲钟意由瓷砖铺面嘅餐枱，好色彩缤纷，好靓！人齐就可以上菜喇！首先系土耳其沙律，个侍应千叮万嘱要我地捞匀先食，有青瓜、洋葱、蕃茄、生菜同香草，清清地，够爽脆。再黎一碟"Sak Suka with homemade yogurt"，原来土耳其人成日食yogurt，好多菜式都会有yogurt。茄子薯仔切薄片，加埋个香草乳酪汁，好香口惹味！土耳其厨师亲自捧岀只梅尔辛鸡，内有香草蕃茄饭，佢帮我地支解左只鸡，等我地可以大块朵耳！只鸡烧到金黄色，皮脆肉嫩，好好味！香草饭都好入味，配埋蕃茄，估唔到土耳其饭又几好味！啱啱食完鸡饭，又再黎多碟饭，今次系造型好可爱嘅红椒黄椒饭！椒变身饭盒，装住香草乳酪饭，饭同乳酪汁好夹，椒肉清甜。原来佢个土耳其名叫"Dolma veg"。 "Turkish hal
我未去过土耳其，又未食过土耳其菜，我个超钟意土耳其嘅朋友话想食土耳其菜，我完全唔知会有乜食。佢问我有乜肉类想食，我话钟意鸡同羊，佢话会叫个厨煮，私房菜有得拣食乜又几好。
对土耳其菜完全零认识嘅我，抱住试新嘢嘅心态，同朋友渡过左一个土耳其之夜。餐厅喺旺角商厦楼上，门口贴左土耳其厨师同明星嘅相。单位细细，但布置好有心思，劲钟意由瓷砖铺面嘅餐枱，好色彩缤纷，好靓！
人齐就可以上菜喇！首先系土耳其沙律，个侍应千叮万嘱要我地捞匀先食，有青瓜、洋葱、蕃茄、生菜同香草，清清地，够爽脆。
再黎一碟"Sak Suka with homemade yogurt"，原来土耳其人成日食yogurt，好多菜式都会有yogurt。茄子薯仔切薄片，加埋个香草乳酪汁，好香口惹味！
土耳其厨师亲自捧岀只梅尔辛鸡，内有香草蕃茄饭，佢帮我地支解左只鸡，等我地可以大块朵耳！只鸡烧到金黄色，皮脆肉嫩，好好味！香草饭都好入味，配埋蕃茄，估唔到土耳其饭又几好味！
啱啱食完鸡饭，又再黎多碟饭，今次系造型好可爱嘅红椒黄椒饭！椒变身饭盒，装住香草乳酪饭，饭同乳酪汁好夹，椒肉清甜。原来佢个土耳其名叫"Dolma veg"。
"Turkish halal lamb rack with garlic butter sauce" 土耳其香草配蒜香汁羊骨扒，烧得啱啱好，羊肉嫩滑，又有少少肥，正！
好戏在后头，土耳其咖啡一岀，即刻眼前一亮！不停讲「好靓呀！」咖啡杯真系好精致，土耳其工艺品确实系好有水准！厨师帮我地倒咖啡，唔驶加糖加奶，因为佢话土耳其甜品好甜。甜品有种四四方方细细粒似酥饼，咬落好松脆，甜甜地有奶油香。另外仲有脆脆芝麻果仁同软糖。一啖甜品、一啖土耳其咖啡，一边谂下几时去土耳其旅行。
张贴
