影片
更多
2018-02-07
252 浏览
位于尖沙咀出口大兴广场的炑八韩烧 虽然位处9楼，但仍占尽地点优势，晚上八点仍然成场爆满~ 因为楼上铺，地方占地很广，枱椅都够哂大张，坐得舒服~ 呢度以新派韩式烧肉为主，所以装修都比较年轻化 除左卡位，亦有韩式的圆枱仔坐 另一边就有大大的窗，感觉开扬 甫坐下，待应们就熟手及快手地上左一枱野了~XD 有3格调味料/ 酱油/ 4款前菜/杂菜篮/沙律，仲马上淋上了蛋浆同粟米芝士浆添 除左沙律外，所有野都可以REFILL 架，就连蛋浆同芝士都可以~感觉好超值 虽然系免费野，但呢个芝士粟米同蛋浆都好认真 芝士闻落好香，入口唔算好浓味，而且粟米都超多，食完唔会饱滞左 而蛋浆就加入左泡菜，不过辣味好轻，配合蛋既甜味，MATCH~ 顺带提提，呢度既泡菜唔太辣，反而几甜，唔似坊间的一味酸， 而且系新泡个种，即系食落仲有D爽口 临近新年，点左个季节限定的 步步高升贺年套2人套餐 入面特别加入了韩国人的贺年菜 首先上枱的，系一个造型色彩超靓的 九节板 九节板其实以前韩国宫庭菜，平民系无机会食的 九节板会加入韩国人认为吉祥的五色食材：黄、绿、白、黑、红 全部材料都切丝，色彩缤纷，净系卖相都令人垂涎三
虽然位处9楼，但仍占尽地点优势，晚上八点仍然成场爆满~
因为楼上铺，地方占地很广，枱椅都够哂大张，坐得舒服~
呢度以新派韩式烧肉为主，所以装修都比较年轻化除左卡位，亦有韩式的圆枱仔坐
另一边就有大大的窗，感觉开扬
甫坐下，待应们就熟手及快手地上左一枱野了~XD有3格调味料/ 酱油/ 4款前菜/杂菜篮/沙律，仲马上淋上了蛋浆同粟米芝士浆添
除左沙律外，所有野都可以REFILL 架，就连蛋浆同芝士都可以~感觉好超值
虽然系免费野，但呢个芝士粟米同蛋浆都好认真芝士闻落好香，入口唔算好浓味，而且粟米都超多，食完唔会饱滞左
而蛋浆就加入左泡菜，不过辣味好轻，配合蛋既甜味，MATCH~
顺带提提，呢度既泡菜唔太辣，反而几甜，唔似坊间的一味酸，
而且系新泡个种，即系食落仲有D爽口
临近新年，点左个季节限定的步步高升贺年套2人套餐
入面特别加入了韩国人的贺年菜
首先上枱的，系一个造型色彩超靓的
九节板
九节板其实以前韩国宫庭菜，平民系无机会食的九节板会加入韩国人认为吉祥的五色食材：黄、绿、白、黑、红
全部材料都切丝，色彩缤纷，净系卖相都令人垂涎三尺呀。
而且韩国人好注意养生，九节板内全都系健康的食材，只落了少少麻油调味
味道以清淡为主
食法就系将中间的皮加入自己喜爱的食物卷埋一齐食
有汇合，共聚的意思，就好似中国人的团圆咁解~
虽然每样食材都唔太多，但加埋个皮，都好饱肚~而且建议要快D食，因为块皮放耐左会干同硬，影响口感~
另一样韩式贺年食物，就系呢个韩式饺子年糕汤~
以石锅上枱，一直冒住烟~年糕同平时既炒年糕好唔同，因为已经变成一粒粒小丸子咁
应该都系同汤圆同一寓意，团团圆圆~
清新的紫菜汤底配有3粒超大的韩式饺子就连饺子都系圆形架~ 果然有意头
饺子内混有猪肉碎/粉丝等等，味道都偏清淡
韩式，又点会无烧肉
呢个步步高升座好哂好意头啦~
由肉味的浓淡区分，一层层地由底食到上最高峰~
由底到上分别有薄切韩牛扒/大虾/牛舌/韩牛牛胸前肉/韩牛牛五花以及最高的厚切五花肉
虾系大大的没有错，细[心地将虾身起壳，只保留虾头和虾尾
方便烧又方便食~入口啖啖肉~
牛肉雪花分布均匀，烧至半成熟，有入口即溶的感觉
肉没有加入腌料，烧出来都食到浓浓的牛肉汁
当中以牛舌最爽脆/ 牛五花最淋，牛扒最有口感不过韩牛都雪得几实，未溶得哂，太大火好易焦而未熟，要小心处理
高峰在望啦~
厚切五花肉呢旧五花肉极厚，有成吋~ 一边刻意界了花，方便烧
细心睇，原来旧五花肉连埋成层皮架~
D皮仲清理得超级干净添~
烧五花肉真系好考耐性，幸得友人出手烧到反转再反转
系咪隔住个MON都闻到肉香呢~
肥肉的甘香加上猪肉的焦香最特别系再加上猪皮的咬劲~ 呢个五花肉赚大了
套餐不包饮品，但食韩烧又点可以唔饮韩式特饮架？
呢个青提子特饮就有偏淡口
菠萝特饮就浓味好多
原来除左新年套餐，呢度平时都有好多套餐同优惠
张贴
