Made in HK Restaurant (已結業)

上星期五好赶时间， 食完午餐要跑去开会，所以到apm求其入了Made in HK Restaurant。 间唔中都会到这里食午餐或晚饭， 一坐低好快就点了两款特餐，牛尾罗宋汤扭扭粉配农场鸡蛋＋牛角包＋ 热咖啡 $73和沙爹肥牛公仔面＋ 牛角包＋ 冻奶茶 （ 冻饮加三蚊）$73。牛尾罗宋汤扭扭粉～ 罗宋汤味道非常浓郁，牛尾入味又够腍， 不过扭扭粉比较少。沙爹肥牛公仔面～ 没有沙嗲味，味道偏淡， 肥牛份量好多。牛角包～ 本身想食菠萝包的， 但当日只有牛角包， 幸好牛角包又几好味㖞， 外层好脆入面软熟。热咖啡～ 咖啡味好香浓。冻奶茶～ 奶茶味好淡有点似奶水。整体来说店舖环境座位舒适，食物质素中上， 服务普通，大概似高级茶餐厅。