好旺角粥麵專家

营业中

休息中

专程黎试好旺角自称话正宗炸酱面，因交通关系，搞到要急急食添，赶住走 ﹗HKD30 ？真系有点贵啊，只不过系一碗炸酱捞面加牛腩之麻。系旺角驱驱一碗牛腩捞要 HKD36 蚊？白烚芥兰连蚝油都无要收 HKD13 蚊？价钱令我有点惊奇 ﹗上次帮朋友黎买粥，闻到好香好香既食物味道，到底是什么呢？唔知系咪牛腩呢？原来我上次路过闻到好香既，搞到好想试既系炸酱捞面，并唔系牛腩呢 ﹗柱侯牛腩捞面走葱，清汤为大地鱼汤，较为浓味及偏咸，冻左就更咸。牛腩过瘦又鞋烚烚，口感硬掘掘，唯一可取系炆得非常入味，我要牛腩系腍、棉、滑先叫好食 ﹗以三十几蚊黎讲，个面底实在太细太少，不香不滑不爽，物非常值。炸酱捞面加柱侯牛腩，柱侯酱汁已完全渗透牛腩，每一口都充满浓厚芳香味道，非常入味，虽略瘦但满意可口。炸酱偏重甜味突出，里面有肉碎及面豉粒，香气十足而霸道，深层味道有点似海鲜酱混甜酱。加左少量腩汁，未能试到其真身，要食返次原味炸酱面先得。捞面有分一碗或一碟，今次食一碗，份量只够我两大口，一啜已消失得无影无踨，实在唔多够饱，仲要收成 HKD30 蚊 呀 ﹗整体味道真的不错，可以添食。