池記 (已結業)

去过九龙湾o既人都知，食肆多，但人仲多。想揾食，其实好难。上星期六晚七点几，谂住揾唔到位就返屋企附近先食。经过池记，竟然有位。谂住未食过，不妨试吓。有几款晚餐可以拣，于是同太太俩个拣咗：牛筋捞面配芥兰(油菜)、萝卜牛筋腩菜饭拼米通炸鲮鱼球(小食)，加$2 有杯豆浆添。牛筋捞竟然最先到，牛筋够腍够入味，味道算唔错。捞面亦爽口，整体算系高价高品质吧！豆浆就唔系咁得，淡而冇味，真系$2水准。菜饭啲牛筋腩比较实净，味道浓啲。萝卜唔嚡冇渣，仲有少少甜。菜饭份量够，一般比较油，佢都唔例外。芥兰冇特别。米通炸鲮鱼球好味，炸得透，唔腥！仲要热辣辣登场，加分唔少。服务唔算好有礼貌，但胜在有效率。