好燒式串燒專門店 (砵蘭街)

营业中

休息中

一向都钟意食串烧嘅我，听朋友讲有间串烧小店几正，一于去试下去。我同best friend两个女仔叫左超多野食。 首先梗系唔少得叫串烧啦，因为我同佢都唔系好食得太辣，所以叫晒bb辣，出到黎果然啱啱好，有少少辣嘅香气。串烧叫左有牛舌，鸡肾，鸡软骨，安格斯牛肋，芝心丸仲有最最重要嘅甜心蕃薯。牛舌厚切够淋，鸡肾鸡软骨食落脆卜卜，香口。安格斯牛肋好多惊喜，牛味极重又好香油香，甜心蕃薯更加唔使讲，my all-time favorite。 除左一串串，我地甘大食仲叫左个泰式豚肉，汁烧鱿鱼筒，仲有烧茄子，同埋我见到相想食嘅烧蛏子。泰式豚肉个医好正，超有泰式风味，鱿鱼筒烧得好，唔干，茄子大大条，真系落左好多蒜蓉，拉住丝得食好惹味。难得嘅系，无谂到佢嘅蛏子食得出新鲜，无落到好多调味但都好够味，仲切好俾我地夹，唔使成条黎食甘鸡手鸭脚。 去到最后就饱嘅时候，我见到个芝士鸡肉墨西哥薄饼，决定要叫埋，入面好多芝士，真系好墨西哥风味，不过对我同朋友黎讲就有啲辣，推荐芝士同辣爱好者试下。