一家

营业中

休息中

今日收工约左朋友落筲箕湾食饭，仲要去米芝莲推介既餐厅，咁梗系要试一试有几正。环境几光猛宽敞，带少少日式既感觉，唔系假日都几多人食，非常期待。七里庄酒糟醉鸡醉鸡肉质嫩滑，醉鸡汁酒味较浓，但唔会去到抢喉，啖啖肉开胃一流。鲜肉锅贴锅贴煎得好香脆，皮薄馅靓。黄鱼石锅淮山面店员上枱时已准备多只碟，打完卡后就将鱼夹开，唔会浸到淋哂，细心位好加分。黄花鱼煎得刚好，外脆内软，因为用石锅盛住汤面，食到最尾到热辣辣。高贵契妈椰浆配上芒果，口味清新独特，钟意芒果既必定要试。甜美姨姨茉莉花雪耳，清润消滞，似食糖水感觉，好得意。高力芒果奶黄即炸高力豆沙系好多时都会叫既甜品，餐厅用上芒果奶黄代替豆沙，效果非常好，甜度适中之余，有少少流心感觉，层次好丰富。