燒肉駅 一人燒肉·丼飯

营业中

休息中

最近新开咗好多一人烧肉店，好多间都用平来做卖点，但系食物质素比较参差，朋友介绍话呢间质素高之余，而且仲有放题选择，咁就一于嚟试吓啦。一去到估唔到咁多人，如果想段就记住早啲嚟排队啦。而且呢度嘅座位比较舒服，好多一人烧肉都系位置比较迫，但系呢度竟然有卡位，坐得好舒服。而且呢度嘅任食一人烧肉最平嘅价钱只系$158 ，真系好抵食。一上枱，已经见到呢度嘅牛肉真系好高质，平时啲一人烧肉嘅牛肉成日都雪到好实，但系呢度感觉牛肉好新鲜。急不及待试咗一嚿牛肉，食落真系好新鲜，牛味好够，唔使任何调味料都好好食。不过呢度有好多唔同嘅调味料，啱晒重口味嘅人啦。而且除咗肉类之外，佢仲有海鲜任食，呢个帆立贝真系好高质，佢嘅食材好新鲜，而且好大只，食多几只都回本啦。最重要嘅系呢度有好多蔬菜任叫，平时食烧肉太滞，就可以叫啲蔬菜嚟帮助消化。而且佢嘅蔬菜都好新鲜，食物有啲清新嘅感觉，食多啲菜又可以食多啲肉啦。而且呢套嘢抽风系统做得好好，食完烧肉都唔会一身臭味，真系好推荐大家嚟试吓呀。