Wagyu Ya (已結業)

今晚同男朋友黎到尖沙咀食日式烧肉，想食好少少，所以拣左新开既Wagyu Ya食晚餐。餐牌选择唔多，侍应话餐牌系暂时既，以后可能会作出改动。除左烧肉，亦都有熟食提供。最终我地拣左黑松露和牛他他，豚肉同牛more拼盘。黑松露和牛他他有轻微烧过，带出少少油脂，咬落唔会韧，好食。和牛他他用沙律菜垫住，沙律菜好爽甜，都好好食。跟住开始烧豚肉，原来系猪腩肉。我唔好猪腩肉，但都觉得好食。烧完唔会干身，好好咬，带点甜味。点埋佢个三款酱汁：烧汁，酸汁同岩盐，味道更佳。牛more拼盘有牛肩脊，三角，牛小排同厚切牛脷，每款各三块。样样个样都好靓仔，烧出黎都冇失望，油脂丰富，完全唔韧，锁住肉汁，有牛味。我地对呢餐都相对满意。