夢の丼 (已結業)

相信好多香港人喺无得返乡下（日本）呢段日子，个个都想揾到一间可以畀你如置身于日本嘅料理店。好庆幸，今日揾到一间，喺梦之丼用餐嘅2个小时，无论系食物、餐具器皿、服务，甚至乎厕所都有返咗去日本既感觉。食物方面叫咗一个梦之丼，一个花锦鱼生丼，两个招牌菜-矶烧帆立贝、柔煮鲍鱼，同埋两份刺身。呢度既丼饭系用咗酱油调味，唔单止色水吸引仲要味道好配鱼生一齐食。再讲多啲呢道梦之丼所用既鱼生，除咗有大大粒带子，珍宝size既虾，仲有三文鱼子、吞拿鱼、蟹肉，真系你想要嘅都有，不愧为梦幻之丼。另外两个煮物都好好味，食既时候感受到厨师制作时嘅心思，好似鲍鱼，竟然煮到一咬就溶化嘅口感。除咗食物，呢度既工作人员都非常专业，服务到位，例如我哋个份矶烧帆立贝等咗一段时间，未开口追，侍应已经主动帮我哋跟进。Overall呢间餐厅系方方面面都比到喺日本食饭嘅感受。