叄壽司凍肉專門店

营业中

休息中

位于屯门景峰轻铁站附近，住喺附近嘅居民有口福了，最近开咗间叁寿司冻肉专门店，主打外卖日本料理包括寿司刺身等等及售卖澳门日本等地方嘅食品，餐厅面积唔算十分大，见到门口做紧推广，竟然连羊腩煲及鸡煲都有得卖，仲可以外卖成个煲返去，难得屋企人食饭，于是就叫咗个羊腩煲。羊腩煲价格非常亲民而且份量十分足够，足足有四磅，足够四人家庭享用，羊腩新鲜连埋配料炆得非常入味，比起坊间餐厅嘅大羊腩煲份量多，餐厅做非常好，配埋生菜及煲外卖，唔使还煲，非常适合我呢啲懒人。另外仲叫咗半磅三文鱼腩刺身，厚切三文鱼非常肥美，油脂感丰富，屯门有依个质素嘅三文鱼腩刺身非常满足。下次如果有机会一定会试埋佢哋嘅鸡煲，同埋其他寿司一定唔会失望。