武士拉麵 (已結業)

武士拉面一直都系我成日嚟食的拉面，因为呢度拉面高品质之余，餐厅仲有一份人情味。坐位唔多，老板认真用心制作每一碗拉面。今次再嚟食我至爱的足利将军拉面(黑蒜油猪骨汤底)如果你系黑蒜油嘅忠实粉丝，一定唔可以错过呢度嘅足利将军拉面，因为它系用咗日本高品质的黑蒜油，其实一入口就知咩系高质黑蒜，果然唔同！汤底除咗有香浓猪骨味，仲有好新鲜的大蒜味，正！要另外赞下面底嘅质素，粗面好好食，又弹牙！店内有特制鱼油可以一试，加咗有淡淡的鱼油香味，提升拉面层次感！武士沾面(柚子鱼介Wasabi沾面)朋友平时钟意食沾面，都话呢间得wo! 原来他好欣赏个沾面汤底，估唔倒柚子鱼介浓汤又几夹微微的Wasabi香！系少有香港食得出层次的沾面汤底。武士小丸子呢间嘅小丸子其实都唔错，可以一试！小丸子做到外脆内软，粒粒热辣辣，正！下次一定要嚟试下四个香葱油拉面！听老板讲呢个仲出色！