中華滙館 (已結業)

高级中菜馆，如果唔系掹老板车边都唔洗旨意食到，富豪饭堂就仲未去到住，但呢间中菜馆都唔逊色，有幸食到真系要多谢老板嘅厚爱虽然头两款菜可以叫左前菜，但一d都唔普通，燕窝酿鸽腿，小小嘅鸽腿酿满燕窝再炸，外皮够脆，啖啖燕窝肉够晒矜贵。椒盐田鸡腿以为系普通菜式，点知非也，田鸡腿炸得好松化香口，再加埋炸蒜好惹味，而田鸡肉质炸过后保持鲜嫩，火候恰到好处，一d都唔老呢个金汤小米北海道辽参好正，金汤意思系南瓜汤，香浓嘅南瓜汤配有小米同薏米系里面，非常可口，辽参用多叉切开，食落好爽之余又渗满高汤味，我非常喜爱水煮星班球，睇落好似好辣，实质只带麻辣香味，并无好似川菜咁辣到无晒味觉，少少辣刺激味蕾，而星班球肉质好滑，已起骨，啖啖肉，仲有芽菜，莴笋，上海粉丝做配料，食到个个都停唔到口贵妃鸡咪睇佢咁普通，皮同肉都有浓浓高汤味，而且皮滑肉嫩，一d都唔鞋，略嫌某d部位鸡毛比较多，我惊惊🙈汤面我地二拣一，我就拣左咸酸菜和牛汤米粉，和牛就固然好食，最欣赏系咸酸菜做汤底煮嘅米粉好好味，每一啖都好开胃唔油腻。另外一款系肉丝酸辣粉，咪以为普通野，d肉丝系厨师自家制，用猪肉打成肉饼再切丝，系功夫之作，我试左少少，质感有d似札肉，