うまい鮨勘

营业中

休息中

话说想请朋友食餐饭，答谢佢一个帮忙，有人就推荐左呢间日本餐厅，门口系简约嘅日本风，一入去有张吧枱，然后有好多其他座位，地方颇大，店员招呼我哋坐低，递上热茶和口罩套，很细心的服务呢。落单只需要将所选食物剔在点菜纸上就可以，简单方便。我哋叫了一下特选刺身盛（六款$480 ）。有油甘鱼、大拖罗、赤贝、金木鲷、深海池鱼和牡丹虾，摆盘精致，刺身好新鲜，特别喜欢个赤贝和牡丹虾都好鲜甜，另外金木鲷和深海池鱼都好有鱼味。除咗普通寿司，佢呢度仲有几款创作卷物，其中个「鮨勘寿司三文治」（ $128）好似几得意，就叫来试吓啦。共四件，每件都设成三角形，有四层，所以份量都几多，食完当饱肚。中间夹住玉子、蟹子和一啲鱼肉咁样，味道都可以，唯独紫菜会唔得比较淋身。还叫了一些烧物，包括我最爱的银雪鱼西京烧（ $178 ），烧得好香，鱼肉又好滑，好好味呢！另外也点了甲罗烧（两个$198 ），将蟹肉蟹膏连同味增等材料混和后攞去烧，将蟹嘅鲜味都发挥出来，而且又容易食，用匙羹将佢不到一滴不留呢！