影片
更多
2006-08-18
20 浏览
高山小组聚会, 弟兄J强烈要求不能过海, 大家又要一张大枱交通, 终于都系翻抄凤城.一行十六人, 直上三楼, 坐落未算太迫, 好过坐二楼, 但听对面讲嘢, 仍然困难. 都系食咗先讲. 跟KC兄学嘢, 先出去同经理定菜单, 唔好超出预算.返番枱同大家讲菜单, 当然无反对. 大家都系信哂我.乳猪拼生肠($150中): 8分, 乳猪皮几脆, 一食两旧, 正! 生肠唔识欣赏.脆皮炸子鸡($120一只): 9分, 依然是城中三甲之一的炸子鸡, 皮脆, 肉唔炸得老, 依然必食.上汤炸粉果($72): 9分, 炸得刚刚好, 淋汤食得, 剩食都得, 同陆羽一样咁得, 弟兄C当仁不让, 连下两城, $48一打, 都系必食.窝贴大明虾($160): 7分, 今次差一点点, 多士部分太㶶, 虾味道还好.大良炒鲜奶($68): 8分, 奶味浓郁, 炒得相当好生炒骨($56): 5分, 太多炸物, 食到有D怕, 生炒骨又炸得太劲, 唔够酸. 麻麻.生菜包鹌春松($88): 8分, 另一招牌作, 鹌春松包生菜味道几夹.福建滑豆腐($58): 5分, 唔钟意而碟, 味太浓.紫罗炒鸽片($80): 6分, 鸽片不多,
一行十六人, 直上三楼, 坐落未算太迫, 好过坐二楼, 但听对面讲嘢, 仍然困难. 都系食咗先讲. 跟KC兄学嘢, 先出去同经理定菜单, 唔好超出预算.
返番枱同大家讲菜单, 当然无反对. 大家都系信哂我.
乳猪拼生肠($150中): 8分, 乳猪皮几脆, 一食两旧, 正! 生肠唔识欣赏.
脆皮炸子鸡($120一只): 9分, 依然是城中三甲之一的炸子鸡, 皮脆, 肉唔炸得老, 依然必食.
上汤炸粉果($72): 9分, 炸得刚刚好, 淋汤食得, 剩食都得, 同陆羽一样咁得, 弟兄C当仁不让, 连下两城, $48一打, 都系必食.
窝贴大明虾($160): 7分, 今次差一点点, 多士部分太㶶, 虾味道还好.
大良炒鲜奶($68): 8分, 奶味浓郁, 炒得相当好
生炒骨($56): 5分, 太多炸物, 食到有D怕, 生炒骨又炸得太劲, 唔够酸. 麻麻.
生菜包鹌春松($88): 8分, 另一招牌作, 鹌春松包生菜味道几夹.
福建滑豆腐($58): 5分, 唔钟意而碟, 味太浓.
紫罗炒鸽片($80): 6分, 鸽片不多, 一般味道.
金银蛋苋菜($68): 6分, 平平
飘香荷叶饭($80): 8分, 好香, 唔太湿.
银芽伊面($48): 4分, 弟兄L要求点的, 都知道赖嘢, 果然唔得, 难食! 伊面劲油, 又太咸.
莲蓉西米布甸($100大): 10分, 全晚高潮, 弟兄M要翻抄凤城都因而味, 我拣了最大碗, 仍然一流, 莲蓉美味, 但老板娘, 几时整番一年前的结婚礼物给我同文迪?
张贴