影片
更多
2019-03-19
665 浏览
一段时间冇写食评，因耿耿于怀喺二月食咗餐非常之咁一流、咁高水准嘅一餐，但由于啲相唔喺我度，要个朋友send 返俾我先出得post 而pending 咗喺度。好喇，而家啲相俾咗我喇，我决心要写一写佢。讲真，咁大个仔第一次自己行入去高级西餐厅食嘢，唔多唔少都会有啲期待。行入餐厅时佢基本嘅一啲高级餐厅应该都会有嘅景观呀、摆设呀、服务呀咁我都已经有晒心理准备。但佢第一度攞出嚟嘅食品我就几打个突，系几块薄片卡咗喺旧云石上面，有啲好似pesto 嘅酱俾你搽嚟食。食-系唔错，心思亦见。由于系档次唔同嘅关系，食嘅时间相对都长咗，大慨几个字后佢攞咗啲面包嚟，另外仲有旧鲤鱼形嘅柠檬牛油，好得意，味道都唔错，但老实讲，去唔到呢个餐厅应有嘅高度。又隔几个字，头盘嚟喇，鲻鱼片配海胆，不得了，正到不得了，原来海胆可以咁新鲜，绝对冇出面食嘅臭味、即明矾味。但对于一间有级数嘅餐厅，唔用明矾系好合理㖞。跟住又隔几个字，普罗旺斯小麦窝．时令蔬菜．香草酱出场。呢个可以话系我咁大个仔食过最好食嘅素菜！味道我唔识讲，只知当中落咗好多香料香草，配合出嚟又绝对和谐，做到你中有我、我中有你嘅境界。成日唔明北欧嘅饮食节目做嘅菜汤有咩好
一段时间冇写食评，因耿耿于怀喺二月食咗餐非常之咁一流、咁高水准嘅一餐，但由于啲相唔喺我度，要个朋友send 返俾我先出得post 而pending 咗喺度。好喇，而家啲相俾咗我喇，我决心要写一写佢。
讲真，咁大个仔第一次自己行入去高级西餐厅食嘢，唔多唔少都会有啲期待。行入餐厅时佢基本嘅一啲高级餐厅应该都会有嘅景观呀、摆设呀、服务呀咁我都已经有晒心理准备。但佢第一度攞出嚟嘅食品我就几打个突，系几块薄片卡咗喺旧云石上面，有啲好似pesto 嘅酱俾你搽嚟食。食-系唔错，心思亦见。由于系档次唔同嘅关系，食嘅时间相对都长咗，大慨几个字后佢攞咗啲面包嚟，另外仲有旧鲤鱼形嘅柠檬牛油，好得意，味道都唔错，但老实讲，去唔到呢个餐厅应有嘅高度。又隔几个字，头盘嚟喇，鲻鱼片配海胆，不得了，正到不得了，原来海胆可以咁新鲜，绝对冇出面食嘅臭味、即明矾味。但对于一间有级数嘅餐厅，唔用明矾系好合理㖞。跟住又隔几个字，普罗旺斯小麦窝．时令蔬菜．香草酱出场。呢个可以话系我咁大个仔食过最好食嘅素菜！味道我唔识讲，只知当中落咗好多香料香草，配合出嚟又绝对和谐，做到你中有我、我中有你嘅境界。成日唔明北欧嘅饮食节目做嘅菜汤有咩好饮，而家我终于明喇。跟住又隔几个字马赛鱼汤送到，其实叫佢做汤系有啲过份，佢本身材料嘅丰富已经可以做主菜。或者我唔识啦。整体鱼肉非常新鲜，鱼肉质地亦分明，有结实弹牙嘅、有较松软绵薄嘅，十分不俗。正当由当初惊唔够饱到原来已经饱到十之八九时，听闻呢度好出名嘅 Whole Camembert 金文毕芝士上场。Waiter 攞住圆圆一饼嘅芝士时，我仲以为系Cheese Cake 添。切到落碟时初尝味道好好，淡淡嘅咸香渗满口腔，配以红酒，一绝。可惜人力有时尽，食到一半已经再食唔落喇。你以为完？梗未啦。之后上一个西柚雪杷中和一下Camembert 嘅漏，跟住再嚟个法式冧酒配香草忌廉。呢个问心我觉得麻麻，或者我唔识饮冧酒，有啲苦。再再再之后送上一个小小嘅贝壳形蛋糕仔，正式为𠮶晚嘅晚餐划上完满嘅句号。
对呢间西餐厅小弟评价十分高，由于系公司请客关系，我唔知价钱。但我相信平时食开呢类餐厅嘅朋友或者会评得更严谨。
8 浏览
0 赞好
0 留言
鲻鱼片配海胆
10 浏览
0 赞好
0 留言
普罗旺斯小麦窝·时令蔬菜·香草酱
20 浏览
0 赞好
0 留言
马赛鱼汤
36 浏览
0 赞好
0 留言
金文毕芝士
14 浏览
1 赞好
0 留言
西柚雪杷
9 浏览
0 赞好
0 留言
法式冧酒配香草忌廉
12 浏览
0 赞好
0 留言
14 浏览
0 赞好
0 留言
张贴
