團日式拉麵

营业中

休息中

呢间系荃湾开左冇几耐拉面店已系不同媒体见过，所以专程黎食一食。餐厅最大嘅卖点就系门口自助日式点餐贩卖机，去过日本食拉面嘅朋友都一定有玩过。点餐过程非常之简单，首先选好拉面，然后选择面身同材料等等，拣好可以直接入钱就会有餐纸出黎，另外餐厅外都有座位方便食客等候。进店后将纸条直接比店员就可以，店内环境不算大，但系干净整洁而且仲有部大屏幕会播放一D经典剧集，同近排日本流行音乐。今次同男友总共点左2款唔同嘅拉面，分别系鱼介拉面同松叶蟹味增拉面，而2款都选择左直面做底。松叶蟹味增拉面呢款系每日限量，亦系最受欢迎一款，差不多每枱都有叫。汤底味道比较清不会太浓，饮落味道适中，而面身唔会太淋带点硬度。除左松叶蟹肉外，味增蟹盖亦系重点之一，份量好多而且调味刚好不会过咸。呢款拉面性价比系当中最高，配料最多!鱼介拉面汤底味道比上一碗浓得多，入口充满鱼介汤味。每碗拉面都有溏心蛋，紫菜，同叉烧。溏心蛋唔会因为放系汤入面太耐而变熟失去流心效果，蛋心黄够哂甜。最后点左2款果汁梳打，信洲白提子梳打及信洲苹果梳打。果汁梳打会偏甜，但可以清一清味蕾。