惠 (已結業)

咁啱约咗朋友喺附近，佢推介呢间鮨店，于是去试下《惠》嘅 外卖丼饭，拣咗鱼生饭～前菜用纸杯装住，一条条滑潺潺的好难夹㗎 🥡🥢口感滑嘟嘟又有D爽爽地，似藻类嘅食物，醋味浓而不呛喉，非常开胃～上网search吓原来呢款前菜系冲绳嘅名物：水云醋物～～上面𠮶一点白色系山芋蓉～拣鱼生饭因为可以一次过食到最多款当日新鲜嘅食材，之前冇见过佢外卖丼饭嘅相，一打开𠮶吓都开心㗎！材料铺满饭面，我钟意佢用小菊、紫苏叶同花穗紫苏做点缀，为料理增添色彩，增强视觉上的享受！🥰🌻💐除咗多款鱼刺身，仲有海胆、三文鱼籽、赤贝、帆立贝、玉子烧同渍物（萝卜&牛蒡）共十几款食材，而且我钟意佢D姜系切厚片，食落更有口感！各类鱼刺身都好鲜味 🐟🐟🐟有金目鲷、鲭鱼、𫚕鱼、赤身、中拖罗、油甘鱼腩、池鱼、伊佐木 同 鱿鱼～ (尽量认得几多得几多，仍在学习中 🤓📚📚）印象特别深刻嘅有池鱼，perfect match with上面嘅姜蓉同日本葱花，仲有件鱿鱼，口感非常软糯，味道鲜甜！中拖罗同油甘鱼鱼油味甘香，质素唔错㖞！海胆鲜甜，份量都唔少呢 🤩赤贝爽口味鲜成个丼嘅MVP 系三文鱼籽，大大粒、晶莹剔透、颜色靓靓，唔会太醎，入口渗出点点甜香