上海姥姥 (星光行)

营业中

休息中

果日搭船从中环过去尖沙嘴已经开始落雨，所以快步冲去星光行，睇下有咩食，见到上海姥姥，以前都食过，觉得味道同价钱都可以接受，所以入咗去坐低。我哋一行三人，我、老公同埋囡囡，叫咗一个𩠌同埋两个主食。𩠌系赛螃蟹，同其他地方嘅做法差唔多，都系炒蛋白咁样，不过佢放咗瑶柱落去炒，有海鲜味一d，加上碟赛螃蟹中间仲有个蛋黄，整开佢，等蛋黄汁同蛋白混合埋一齐，唔单止卖相更加好睇，而且口感会更加滑。虽然佢本身已经调得好好味，但系我都系习惯加d醋，觉得味道会更上一层楼。至于两份主食，一份系上海馄饨葱油拌面加配排骨，另外一个系黄金虾仁炒饭饭。我个人比较欣赏个炒饭，佢加咗咸蛋黄，好入味，有d甘香。但系老公同囡囡比较钟意个面，我个人系略嫌味道有d淡，不过香味系足够嘅。最美中不足嘅系，呢间餐厅无提供bb凳，带bb去嘅家庭就未必适合啦。价钱方面，我哋食咗三百几，平均一百几一个人。