彩福皇宴 (已結業)

今晚同女朋友去铜锣湾行街，忽然谂起好耐冇食中菜，知道皇室堡有几层食中菜酒楼，就去睇下，最后我哋决定上9楼彩福皇宴。出lift见到酒楼门口很光猛，装饰布置好有心思，好配合婚宴场地既气氛。酒家很宽大，冇柱，摆酒的确好适合。我哋叫咗海皇酱花生苗玉瓜炒牛柳丝，杏姑燘豆卜豆腐煲同瑶柱蛋白炒饭。首先来花生苗牛柳丝，花生苗第一次食，估唔到几爽口，牛柳丝唔靭😋杏菇豆卜豆腐煲材料好丰富，杏菇爽甜，豆腐炸得唔㶶，豆卜同豆腐吸收咗D烧汁，食落非常配合😋瑶柱蛋白炒饭瑶柱丝都唔少，饭粒粒粒分明，又唔多油，好食😋甜品系代表完美一餐嘅句号，我哋叫咗杨枝甘露同鲜果慕丝😋。虽然第一次到呢间酒楼食晚饭，意想唔到系佢嘅食物水准好好，侍应生招呼周到，加水，执枱都好快手，又有礼貌，价钱又合理，今晚太迟，佢哋嘅招牌叉烧，烧鹅，仲有冬瓜盅都沽清😅，下次早D带埋妈咪再来食过😂