味火鍋 (雅仕洋樓)

气温急降又落毛毛雨，打边炉系最好选择，晚上去尖沙咀亚士厘道嘅味火锅，餐厅环境阔落，卡位、圆枱各占一半，特别在佢嘅四部曲。第一部：精选头盘有鸡煲、酸菜鱼、佛跳墙、焗波士顿龙虾、焗生蚝5选1。我地拣咗龙虾同生蚝，即叫即焗上枱热辣辣，芝士香浓，生蚝同龙虾比想像中更新鲜，龙虾弹牙、生蚝饱满。第二部自选汤底，可选鸳鸯汤底，选了猪骨汤同牛肝菌汤锅，有好多猪骨同茶树菇，汤底浓郁又唔会咸。第三部皇牌火锅拼盘：今日时令海鲜有大虾、蛏子、鲍鱼、生蚝、龙趸斑块同手打丸，另一盘牛肉拼盘有安格斯牛小排、牛肩胛同牛板腱，非常丰富，海鲜都好新鲜，牛肉质素系偏高。觉得唔够喉可以进入第四部曲：有廿款以上食材任叫任食，首推紫菜向铃卷，过一过锅吸汤非常好食，自家水饺都系好味之选。❗❗限时：系无限时呀！😆，三百几蚊无限任饮任食到零晨一点，材料非常新鲜，坐得舒服，一班朋友倾谈聚餐最好不过，仲有每位赠送Mövenpick 高级雪糕一杯，性价比一流。😆