巨昇冰室

营业中

休息中

喺附近行到出哂汗，要食返个下午茶叹下~入到黎元朗，无理由食连锁餐厅嫁嘛~一眼就俾呢个招牌吸引到，就冲入嚟~入到黎啲侍应姐姐超nice! 见我地出哂汗咁就俾个凉啲嘅位我地坐，仲介绍下佢地嘅招牌菜~🔹皇牌吉列猪扒淮山面特餐🔹 一上枱，”哗”一声！块猪扒实在太大块！食落去好juicy，外脆内软，好好味！配埋好有蛋香嘅滑蛋 & 个人好钟意嘅香酥丹麦多士，感觉已经抵哂！仲有个淮山面，第一次食，原来都几弹牙~标榜非油炸，即刻无哂罪恶感~😝🔹怀旧冰室金砖🔹 开头以为系一口多士，点知真系砖黎嫁！巨咪西多士，仲要系有粒粒花生酱喺入面~加埋牛油同蜜糖，再邪恶都清左碟！🙈🔹手工樽仔奶茶🔹 见到隔离枱有只猫仔，当然唔执输~原来系超香浓奶茶~好滑又够冻，甜度刚刚好~重点系太可爱，打卡啱哂！🔹奶茶红豆冰🔹 以为系同樽仔奶茶一样味，只系加多左啲红豆啫~ 错哂！奶茶味无樽仔奶茶咁浓，但配埋红豆就互相辉影出两者嘅味道！掂！