快煮意

营业中

休息中

周末同内地过黎朋友去尖沙咀买嘢，行到又热又攰又饿近近地落新港中心楼下food court揾食, 胜在有冷气可以慢慢坐回气。睇左一阵有间新开叫‘快煮意’嘅西式快餐，但系啲嘢有啲特别又唔似茶记，咁就试下新嘢。我要咗个全肉嘅餐有牛扒，猪扒，炸鸡连炸薯条（唔要薯条好似有其他选择）99蚊，另外加咗几蚊要碗香草玉米汤。Overall份量同味道都唔错，薯条刚炸好又热又大条，好食。个汤虽然简单但加咗香草就好香成个唔同晒。朋友就要蕃茄浓汤海鲜意粉，佢话个蕃茄汤好好味，份量用料亦足，抵食。见佢餐牌嘅价钱，同食物水平，喺尖沙咀应该算高性价比。系可以再翻食嘅简单选择。PS. 有个慢煮鳮肉沙律好似好得，个friend话下次要试。